Oor La Palma Villas 35
Hierdie lieflike selfsorg-vakansiewoonstel is in ’n woonstelkompleks wat tot voor op die gewilde Diasstrand strek. Dit is gerieflik tussen Mosselbaai en Hartenbos geleë.
Die ruim woonstel is net twee minute se stap van die strand. Omdat La Palma Villas 35 op die vierde verdieping is, bied dit ook ’n pragtige uitsig op die see en Robeiland vanuit die balkon/braai-area en die hoofslaapkamer.
Kom lê op die strand, slenter langs die see, ry die branders of sit sommer net gemaklik agteroor en geniet die ongelooflike uitsig vanuit die woonstel – of val in die pad en verken die ryke verskeidenheid wat die Tuinroete bied. Die woonstel is so sentraal geleë dat ’n mens daguitstappies in alle rigtings kan beplan.
Twee slaapkamers & twee badkamers
Die tweeslaapkamerwoonstel bied verblyf aan ’n maksimum van vier gaste.
Daar is ’n ekstra-lengte- koningingrootte-bed in die hoofslaapkamer, wat ook met ’n pragtige see-uitsig spog. In die tweede slaapkamer is twee enkelbeddens. Albei slaapkamers bied ingeboude kaste met hope pakplek. Linne, duvets en ligte komberse word voorsien.
Die woonstel het twee badkamers. In die hoofbadkamer (wat tussen die twee kamers geleë is) is ’n bad, stort, wasbak en toilet. Die tweede badkamer, wat die slaapkamer met twee enkelbeddens bedien, bied ’n stort, wasbak en toilet. Bad- en gesighanddoeke word voorsien.
Kombuis
Die goed toegeruste oopplankombuis bied moderne toertusting, insluitend ’n yskas met ’n vrieshokkie, mikrogolf, stoof, oond, ketel, koffiemasjien, broodrooster, skottelgoedwasser en kombuisware.
’n Viersitplektafel en stoele bied ’n gemaklike eetplekkie reg langs die kombuis.
’n Wasmasjien-en-tuimeldroër-kombinasie (wat ’n voorlaaiwasmasjien en ’n tuimeldroër kombineer) word voorsien, sowel as ’n strykyster, strykplank en droograk om klere/handdoeke op te hang.
Balkon & braaiplek
Op die ruim balkon kry jy ’n lekker groot tafel en ses stoele, sowel as ’n ingeboude vlekvryestaalbraaiplek met ’n braairooster daarby.
Hier kan jy ’n pragtige uitsig oor die see geniet. Stapelvensters wat heeltemal oop of toe kan skuif, verseker dat jy die uitsig van die balkon en braaiplek selfs in koue of reënweer kan geniet.
Vermaak
Die woonkamer bied gerieflike banke en 'n pragtige see-uitsig. ’n Slim-TV (smart TV) in dié vertrek bied DStv Now (volle pakket), Showmax en Netflix.
Gaste het in alle vertrekke en ook op die balkon toegang tot gratis Wi-Fi.
Bordspeletjies (30 Seconds, skaak, dambord en backgammon) sowel as speelkaarte (ook Uno) word vir gaste se vermaak verskaf.
Parkering & sekuriteit
Veilige parkering vir een voertuig onder ’n skadunet word gratis voorsien. (Dit is nie nodig om hierdie parkeerplek te bespreek nie – dit is spesifiek La Palma Villas 35 s’n.) Veilige parkering vir besoekers is ook gratis op die perseel beskikbaar.
Die woonstelkompleks bied 24-uur-sekuriteit. ’n Sekuriteitswag is 24 uur per dag aan diens en uurlikse patrollies word uitgevoer om te verseker dat jy en jou voertuig veilig is.
Toegang tot Diasstrand: Privaat hek
Gaste het direkte toegang tot die strand (Diasstrand) deur ’n privaat hek wat net deur inwoners van die La Palma Villas-kompleks gebruik kan word. Jy kry ’n sleutel vir hierdie hek wanneer jy inklok.
Ligging
Fisieke adres
Woonstel 35 in La Palma Villas (vierde verdieping)
Kusboulevard-Oos 41 (Beach East Boulevard)
Voorbaai
Mosselbaai
6500
Wes-Kaap
Suid-Afrika
Plekke van belang in die omgewing
La Palma Villas 35 is net ’n paar minute se stap van ’n plaaslike supermark (Diaz Groceries) sowel as restaurante en kitswasserye.